Beynəxlalq Avrasiya Mətbuat Fondunun təşkilatçılığı ilə Azadə Novruzova və Qars şəhərinin keçmiş bələdiyyə sədri, erməni zülmündən Türkiyəyə məcburi köç etmiş ailənin üzvü Murtaza Karaçanta “Qərbi Azərbaycanlıların Deportasiyası və Soyqırımı” mövzusunda müsahibə aparıb.
Ednews xəbər verir ki, Murtaza Qaraçanta indiki Ermənistan ərazisindəki Karaçanta kəndindən Türkiyənin Qars şəhərinə zorla köç etmiş türklərin üzləşdiyi çətinliklərdən bəhs edib:
“Ermənistanda türklərə qarşı edilən ayrı-sekçilik bizlə birlikdə bir çoxlarının Türkiyəyə getməsinə yol açmışdı. Babam Allahyar mənə Ermənistandan köç edərkən yaşadıqlarından bəhs edəndə həmişə ağlayırdım. 1992-ci ildə Azərbaycana gəldim və gördüm ki, Bakı, Sumqayıt və Mingəçevir kimi şəhərlərdə bizim nəsildən insanlar var idi. Hətta, bu regionlarda məzarlıqları da ziyarət etdim və bizim ailənin nümayəndələrinin nə qədər müxtəlif ərazilərə parçalandığını gördüm. Rusların regionda parçalayıcı siyasəti və daha sonra ermənilərin etdiyi vəhşiliklər bu millətə xeyli əziyyət verib.
Məcburi şəkildə öz torpaqlarından köç etmiş türklərdən bir qadın yaşadıqlarını anladırdı. Ermənistanda ermənilər tərəfindən hücuma məruz qalanda qaçmağa qərar verirlər və qatara minirlər. Taxtadan olan vaqonlar insanı daşıyacaq vəziyyətdə deyildi, sanki yük daşıyırmış kimi Qarsa qədər gəliblər. Bunun kimi türklərin zülmə məruz qaldığı yüzlərlə hekayə var. Ermənistan ərazisində qalmış türklər zorakılıqlara və soyqırıma məruz qalıblar. Azərbaycanlıların yaşadığı zülmləri də bizlər ürəyimizdə hiss etmişik”.
Xatırladaq ki, Beynəlxalq Avrasiya Mətbuat Fondunun Azərbaycan Respublikası Qeyri-Hökümət Təşkilatlarına Dəstək Agentliyi ilə birlikdə həyata keçirtdiyi Qərbi Azərbaycanlıların Deportasiyasının virtual muzeyi yaradılıb.
Virtual muzeyə aşağıdakı linkdən daxil ola bilərsiniz:
Daha ətraflı müsahibədə:
Fərid Axund