Aprel ayı boyunca birjada zəif çıxış edən Tesla səhmləri, şirkətin baş direktoru Elon Maskın Çinə səfərindən sonra yüksəlməyə başladı.

Ednews sozcu.com.tr-a istinadən xəbər verir ki, Tesla-nın baş direktoru İlon Mask keçən həftə Çinə sürpriz səfər etdi. Tam avtonom sürmə texnologiyası ilə Çindən müsbət mesajlar alan Tesla təsdiq almağa bir addım daha yaxındır. Bu inkişaf şirkətin birjada dəyərini artırarkən, İlon Maskın şəxsi sərvəti 36 milyard dollar artdı. 

İlin əvvəlindən bu yana 22 faiz ucuzlaşan Tesla səhmləri dünən yüzdə 12 dəyər qazanıb. 

Elon Musk Çinə səfərini 24 saatdan az bir müddətdə başa vurdu və Tesla üçün əhəmiyyətli bir qələbə ilə ayrıldı. Pekində yüksək rütbəli məmurlarla gərgin görüşlərdən sonra Çin hökuməti Tesla-nın qabaqcıl sürücüyə yardım xidmətini istifadəyə verməsini təsdiqlədi. 

Çin rəsmiləri Tesla-ya bildiriblər ki, şirkət ölkədə "Tam Avtonom Sürüş" (FSD) proqram təminatı funksiyasını işə salmaq planını ilkin olaraq təsdiqləyib.

Mənbələr bildiriblər ki, ABŞ-ın elektrikli avtomobil istehsalçısı Çin texnologiya nəhəngi Baidu tərəfindən təqdim edilən xəritələşdirmə və naviqasiya əsasında avtonom sürücülük xidmətlərindən istifadə edəcək.

Bu xəbərdən sonra yüksələn Tesla səhmlərinin performansı şirkətin səhmlərinin 20,5 faizinə sahib olan İlon Maskın sərvətinə də müsbət təsir edib. Bloomberg-in Milyarderlər İndeksinə görə, Çinə səfərindən sonra Maskın sərvəti 36 milyard dollar artaraq 202 milyard dollar olub. 

Tesla səhmlərinin azalması səbəbindən sərvəti ilin əvvəlindən bəri ən çox itirən milyarder İlon Mask ötən həftə dördüncü yerə düşüb.

Fransız lüks istehsalçısı Bernard Arnault 212 milyard dollarlıq sərvətlə Milyarderlər İndeksində birinci yerdədir. İkinci yerdə 203 milyard dollar sərvətlə Amazon-un qurucusu Ceff Bezos qərarlaşıb.

Xəyal Ramiz