Ermənistan Respublikasının dünən günorta saatlarında “humanitar yük” adı altında göndərdiyi avtomobil konvoylarının Laçın sərhəd-buraxılış məntəqəsində saxlanılması, bugün səhər saatlarından Ermənistan hökümətinin dünyaya car çəkərək özlərini haqsızlığa uğraması kimi qələmə verilib.
Ermənistan hökümətinin bugün səhər saatlarında Brüssel görüşünü heç sayaraq, başlatdıqları əsassız ittihamları və qarayaxma kampaniyası ilə vəziyyəti çox gərgin hala gətirməyə çalışıblar.
Azərbaycan tərəfinə qarşı bildirilən fikirlərə nəzər yetirək və onların hansı səviyyədə haqlı olduqlarına baxaq...
Ermənistanın baş naziri Nikol Paşinyan “Twitter” platforması üzərindən, Azərbaycan Respublikasının aldığı qərarların əssasız və tamamilə “Dağlıq Qarabağ” xalqını “acından öldürmək və soyqırım etmək” məqsədləri olduğunu söyləyib.
Bundan savayı ABŞ konqresmeni Frank Pallone və Paris regionunun deputatı Patrik Karam kimi şəxslər də bu Paşinyanın həmin bu “biabırçı” çağırışına əlavə edərək: “Azərbaycan höküməti etnik təmizləmə edir. Beynəlxalq ictimaiyyət buna reaksiya verməlidir və Azərbaycana sanksiyalar tətbiq etməlidir” – deyə fikirlər bildiriblər.
Avropa İttifaqının Xarici siyasət və Təhlükəsizlik üzrə Ali Nümayəndəsəni Cosep Borellin də bu məsələ də Ermənistan tərəfində durması da nəzərlərdən yayınmayıb.
Əslində isə bütün bu açıqlamalar çox gülünc və əsassızdır. Bu oyun tam şəkildə Ermənistan diasporasının qurduğu növbəti ssenaridir. Avropa İttifaqı özü də yaxşı bilməlidir ki, erməni yalanlarına qarışması bariz şəkildə Azərbaycanın suverenliyinə hörmətsizlik aktıdır və məsələni daha da gərginləşdirəcək. Əgər Aİ həqiqətən də insan haqlarını müdafiə edirsə, onda o, Ermənistanın şantaj taktikasına ortaq olmaq əvəzinə, Azərbaycan ərazisində yaşayan Qərbi Azərbaycanlıların və bütün qarabağlıların öz ərazilərinə qayıtmasını hüququnu da dəstəkləməlidir.
Ona görə də Ermənistan höküməti də çox yaxşı bilir ki, vəziyyət qaçınılmazdır və sadəcə məqsədləri danışıqlarda Qərbi daxil edib məsələni olduqca uzatmaqdır.
Bəs nəyə görə ermənilər bu qədər vəziyyətdən narahatdılar?
Səbəbi aydındır ki, Azərbaycan Respublikası bildirib ki, sülhməramlılar təminat istəyirsə, Azərbaycan tərəfdən Rusiya öz yüklərini apara bilərlər və o Ağdam – Xankəndi yolu ilə mümkündür. Sözsüz ki, Ermənistan buna qarşı çıxır çünki, buna razılıq verilsə Azərbaycanın Qarabağ ermənilərini inteqrasiya prosesi asanlaşacaq. Ermənistan isə bu qədər asanlıqla boyun əyməkdən qaçır. Çünki ermənilər hələ də Qarabağda status-kvonun saxlanılmasına ümid bəsləyirlər. İkinci Qarabağ Müharibəsinin gerçəkləri ilə hələ də razılaşmaq istəmirlər. Sözsüz Brüsseldə alınan qərarlar baş versə Ermənistan tərəfi artıq Qərbdən istədiyi dəstəyi ala bilməyəcək çünki, bu da Beynəlxalq Hüquqa tamamilə zidd olacaqdır.
Beynəlxalq hüquqdan da eyni zaman da sitat gətirək ki, orada sərbəst hərəkət etmək hüququ vardır. Bu hüquq Azərbaycanın Konstitusiyasında da təsbit edilib. Bu o deməkdir ki, Qarabağ daxilində yaşayan ermənilər rəsmi olaraq Azərbaycan vətəndaşı sayılırlar və onlara cavabdehliyi də ölkənin höküməti daşıyır.
Nəticə etibarı ilə söyləyə bilərik ki, səslənən fikirlərin sadəcə vəziyyəti gərginləşdirmək və manipulyasiya xarakteri daşıdığı açıq-aşkar görünür. Həm Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev öz açıqlamalarında, həm də Azərbaycan XİN bəyənatında məsələnin tam əsassız olduğunu və ermənilərin sadəcə təxribat törətmək hədəfləri olduğunu, eyni zamanda bu kimi addımlardan əl çəkməyi tələb ediblər.
.jpg)